Waliochaguliwa Kujiunga na Kidato cha Tano 2025 | Orodha Rasmi

Angalia majina ya waliochaguliwa kujiunga na Kidato cha Tano 2025 kupitia TAMISEMI. Jua hatua za kuangalia shule ulizopangiwa na nini cha kufanya baada ya hapo.

Orodha ya Waliochaguliwa Kidato cha Tano 2025

Majina ya wanafunzi waliopangiwa kuendelea na masomo ya Kidato cha Tano kwa mwaka wa masomo 2025/2026 yametolewa rasmi na TAMISEMI. Hii ni hatua muhimu kwa wanafunzi waliomaliza Kidato cha Nne wanaotaka kujiunga na elimu ya sekondari ya juu katika shule mbalimbali nchini Tanzania.

Jinsi ya Kuangalia Shule Ulizopangiwa

Fuata hatua hizi ili kuangalia shule uliyopangiwa kupitia mfumo rasmi wa TAMISEMI:

1. Tembelea tovuti ya TAMISEMI: https://selform.tamisemi.go.tz
2. Bonyeza sehemu ya “Form Five Selection 2025”
3. Chagua mkoa uliofanyia mtihani
4. Tafuta jina lako kwa kutumia namba ya mtihani au jina la shule
5. Orodha ya shule utakayojiunga nayo itaonekana pamoja na jina lako

Angalizo: Hakikisha unatumia namba sahihi ya mtihani na kutembelea tovuti rasmi pekee ili kuepuka taarifa za upotoshaji.

Mchakato wa Upangaji wa Wanafunzi

TAMISEMI hufanya uchaguzi huu kwa kuzingatia:

• Ufaulu wa mwanafunzi katika matokeo ya Kidato cha Nne kutoka NECTA
• Machaguo ya michepuo ya masomo yaliyowekwa na mwanafunzi
• Upatikanaji wa nafasi katika shule mbalimbali nchini
• Uwiano wa kijinsia na kieneo

Upangaji huu una lengo la kuhakikisha usawa na ufanisi katika kugawa wanafunzi kwa shule kulingana na uwezo na chaguo zao.

Hatua za Kufata Baada ya Kupangiwa Shule

Baada ya kuthibitisha shule uliyochaguliwa, fuata hatua zifuatazo:

• Pakua barua ya wito ya kujiunga (joining instruction) kupitia tovuti ya TAMISEMI au shule husika
• Fanya maandalizi muhimu kama ununuzi wa vifaa vya shule na sare
• Wasiliana na shule kwa tarehe rasmi ya kuripoti
• Fuata maelekezo yote yaliyopo kwenye barua ya wito

Ushauri kwa Wanafunzi na Wazazi

Wanafunzi wanatakiwa kuwa tayari kisaikolojia kwa hatua hii mpya ya elimu. Ni wakati wa kuongeza juhudi ili kufanikisha ndoto za baadaye. Wazazi pia wanahimizwa kushirikiana na walimu na shule kuhakikisha mtoto anajiandaa kwa wakati.

Kupangiwa shule ya Kidato cha Tano 2025 ni mwanzo mpya wa safari ya mafanikio katika elimu ya juu – chukua hatua sahihi sasa.