Katika msimu wa 2024/2025, viwango vipya vya ubora wa vilabu vya soka barani Afrika vimetolewa na Shirikisho la Soka Afrika (CAF), ambapo vilabu 30 bora vimepangwa kulingana na mafanikio yao kwenye michuano ya CAF Champions League na CAF Confederation Cup.
Simba SC kutoka Tanzania imeandika historia kwa kupanda hadi nafasi ya 4 Afrika, ikiwa na pointi 43 baada ya kufuzu hatua ya nusu fainali ya Kombe la Shirikisho (CAF Confederation Cup). Hii ni nafasi ya juu zaidi kuwahi kufikiwa na klabu hiyo tangu kuanza kwa mfumo huu wa viwango.
Katika kilele cha orodha hiyo, Al Ahly ya Misri inaendelea kutawala soka la Afrika kwa pointi 78. Nafasi ya pili na ya tatu zinashikiliwa na Mamelodi Sundowns ya Afrika Kusini na Esperance de Tunis ya Tunisia, zote zikiwa na pointi 57.
Kwa upande mwingine, Yanga SC imeendelea kuimarika barani Afrika kwa kufikisha pointi 34 na kukalia nafasi ya 11, ishara kwamba juhudi zake katika mashindano ya kimataifa zinaanza kuzaa matunda.
ORODHA KAMILI YA VILABU 30 BORA AFRIKA (CAF RANKING 2024/2025)
- Al Ahly – Misri = 78
- Mamelodi Sundowns – Afrika Kusini = 57
- Esperance de Tunis – Tunisia = 57
- Simba SC – Tanzania = 43
- RS Berkane – Morocco = 42
- Zamalek – Misri = 42
- Wydad Athletic – Morocco = 39
- Pyramids FC – Misri = 37
- USM Alger – Algeria = 37
- CR Belouizdad – Algeria = 36
- Yanga SC – Tanzania = 34
- ASEC Mimosas – Ivory Coast = 33
- Al Hilal Omdurman – Sudan = 32
- TP Mazembe – DR Congo = 30.5
- Orlando Pirates – Afrika Kusini = 30
- Raja Casablanca – Morocco = 30
- Petro de Luanda – Angola = 27
- AS FAR Rabat – Morocco = 21
- MC Alger – Algeria = 18
- Sagrada Esperanca – Angola = 16
- CS Constantine – Algeria = 15
- Stellenbosch FC – Afrika Kusini = 15
- Al Masry – Misri = 14
- Rivers United – Nigeria = 14
- JS Kabylie – Algeria = 13
- Dreams FC – Ghana = 12
- Stade Malien – Mali = 10.5
- Horoya Athletic – Guinea = 10
- Future FC – Misri = 9.5
- Etoile du Sahel – Tunisia = 9
Kupanda kwa Simba SC hadi nafasi ya 4 na Yanga SC kuvuka kumi bora ni mafanikio makubwa kwa soka la Tanzania, na ni uthibitisho kuwa vilabu hivi vinaendelea kuwekeza kwa mafanikio makubwa ya kimataifa.
