Ratiba ya Treni ya SGR Dar es Salaam hadi Dodoma 2024

Ratiba ya Treni ya SGR Dar kwenda Dodoma

Muhtasari wa Ratiba ya SGR Dar Es Salaam hadi Dodoma

Mwaka 2024 umekuja na mabadiliko makubwa katika sekta ya usafiri wa reli nchini Tanzania, kwa kuanzisha huduma za treni ya SGR kati ya Dar es Salaam na Dodoma. Huduma hii mpya na ya kisasa imeleta mapinduzi kwa kutoa njia mbadala ya haraka na starehe kwa wasafiri. Katika makala hii, tutakupa maelezo ya kina kuhusu ratiba ya treni ya SGR na taarifa muhimu za kukusaidia kupanga safari yako bila usumbufu.

Mradi wa Treni ya SGR

Mradi wa Standard Gauge Railway (SGR) ni hatua kubwa katika kuboresha mfumo wa usafiri na uchumi wa Tanzania. SGR ni reli ya kisasa yenye upana wa mita 1.435, kiwango kinachokubalika kimataifa. Reli hii inaruhusu usafirishaji wa mizigo mizito na treni kusafiri kwa kasi zaidi.

Serikali ya Tanzania, kupitia Shirika la Reli Tanzania (TRC), imeanzisha mradi huu kuunganisha mikoa mbalimbali na nchi jirani kama Rwanda, Burundi, na Jamhuri ya Kidemokrasia ya Kongo (DRC). Reli hii itapita katika mikoa ya Dar es Salaam, Mwanza, Kigoma, na Katavi, na itakuwa na uwezo wa treni za umeme zenye mwendo wa kilometa 160 kwa saa.

Ratiba ya Treni ya SGR Dar kwenda Dodoma

Treni ya mwendokasi ya SGR imeanza safari rasmi kutoka Dar es Salaam hadi Dodoma, ikichukua takriban saa tatu na dakika 25. Hapa ni ratiba ya safari za kila siku:

Treni ya Haraka (Express): Dar Es Salaam – Morogoro – Dodoma
- Kuondoka Dar es Salaam (DSM): 12:00 asubuhi
- Kufika Morogoro (MOR): 1:37 asubuhi
- Kuondoka Morogoro (MOR): 1:42 asubuhi
- Kufika Dodoma (DOM): 3:25 asubuhi
Treni ya Haraka (Express): Dodoma – Morogoro – Dar Es Salaam
- Kuondoka Dodoma (DOM): 11:30 asubuhi
- Kufika Morogoro (MOR): 1:10 asubuhi
- Kuondoka Morogoro (MOR): 1:15 asubuhi
- Kufika Dar es Salaam (DSM): 2:45 asubuhi
Treni ya Kawaida (Ordinary): Dar Es Salaam – Morogoro – Dodoma
- Kuondoka Dar es Salaam (DSM): 12:55 jioni
- Kufika Morogoro (MOR): 2:40 usiku
- Kuondoka Morogoro (MOR): 2:45 usiku
- Kufika Dodoma (DOM): 4:35 usiku
Treni ya Haraka (Express): Dodoma – Morogoro – Dar Es Salaam
- Kuondoka Dodoma (DOM): 11:30 jioni
- Kufika Morogoro (MOR): 1:18 usiku
- Kuondoka Morogoro (MOR): 1:25 usiku
- Kufika Dar es Salaam (DSM): 3:05 usiku

Malengo na Manufaa ya SGR

Kuunganisha Mikoa na Nchi Jirani: SGR itaunganisha mikoa muhimu na nchi jirani, kuimarisha biashara na kurahisisha usafiri wa watu na bidhaa.
Kuongeza Uwezo wa Usafirishaji: Treni za SGR zina uwezo wa kusafirisha hadi tani 10,000 za mizigo, sawa na malori 500, hivyo kupunguza msongamano barabarani.
Kukuza Uchumi: Mradi wa SGR unatarajiwa kuchochea ukuaji wa uchumi kwa kuongeza ufanisi wa usafirishaji na kuunda ajira.
Kuboresha Miundombinu: Ujenzi wa SGR utaboreshaji miundombinu kama barabara, madaraja, na vituo vya reli.
Teknolojia ya Kisasa: Treni za umeme za SGR zenye kasi ya hadi kilometa 160 kwa saa zitapunguza muda wa safari na kuongeza ufanisi.

Bei ya Tiketi

Bei ya tiketi inategemea daraja la usafiri na aina ya treni. Kwa maelezo zaidi na ununuzi wa tiketi, tembelea tovuti rasmi ya Shirika la Reli Tanzania (TRC) au vituo vya SGR.

Vitu vya Kuzingatia Kabla ya Kusafiri

Fika kituoni mapema ili kuepuka usumbufu.
Hakikisha una tiketi halali.
Zingatia kanuni na taratibu za usafiri wa reli.

Faida za Kusafiri na Treni ya SGR

Kasi: Treni ya SGR ni ya haraka, hivyo utaokoa muda mwingi.
Usalama: Usafiri wa reli ni salama zaidi.
Ustarehe: Treni za SGR zina viti vizuri na huduma za kisasa.
Urafiki kwa Mazingira: Treni za SGR hutumia umeme, hivyo ni rafiki kwa mazingira.