Nauli za Treni ya Mwendokasi SGR 2024

Nauli za Treni ya Mwendokasi SGR 2024, LATRA Yatangaza Nauli za SGR, Safari Kuanza Hivi Karibuni

Watanzania wanaosubiri kwa hamu uzinduzi wa safari za treni ya mwendokasi (Standard Gauge Railway – SGR) sasa wana sababu ya kutabasamu. Mamlaka ya Udhibiti Usafiri Ardhini (LATRA) imezindua rasmi nauli zitakazo tumika kwenye safari za treni ya mwendokasi kwa mwaka 2024, huku safari za abiria kutajwa kuanza hivi karibuni. Huu ni wakati wa kihistoria kwa sekta ya usafiri wa reli nchini, kwani SGR inatarajiwa kuleta mapinduzi makubwa katika jinsi tunavyosafiri.

Kwa mujibu wa taarifa rasmi iliyotolewa na LATRA, nauli za SGR zimewekwa kwa kuzingatia umbali wa safari na umri wa abiria, hivyo kuhakikisha kuwa usafiri huu wa kisasa unakuwa nafuu na haki kwa Watanzania wote. Kuanzia Dar es Salaam hadi Pugu, Morogoro, Dodoma, na hata mikoa ya mbali zaidi kama Makutupora, sasa unaweza kusafiri kwa treni ya kisasa, yenye kasi na urahisi usio na kifani.

Muundo wa Nauli za Treni ya Mwendokasi SGR 2024

Nauli za SGR zimewekwa kwa kuzingatia umbali wa safari usika na umri wa abiria. Kwa watu wazima na watoto wenye umri zaidi ya miaka 12, nauli imetajwa kuwa ni Tsh. 69.51 kwa kila kilomita. Watoto wenye umri kati ya miaka 4 na 12 watalipa nusu ya bei hiyo, yaani Tsh. 34.76 kwa kilomita. Watoto chini ya miaka minne watasafiri bure, lakini taarifa zao zitahitajika kurekodiwa.

Hizi ndizo Nauli za Treni ya Mwendokasi SGR 2024 Kwa Abiria Wenye umri zaidi ya miaka 12

Mchanganuo wa nauli hizo kwa daraja la kawaida kulingana na umbali wa vituo kuanzia Dar es Salaam hadi Makutupora kwa watu wazima na watoto wenye umri zaidi ya miaka 12 ni kama ifuatavyo;

Safari		Umbali (Km)	Nauli (Shilingi)
Kutoka	Kwenda		Daraja la Kawaida
Dar es Salaam	Pugu	19	1000
Dar es Salaam	Soga	51	4000
Dar es Salaam	Ruvu	73	5000
Dar es Salaam	Ngerengere	134.5	9000
Dar es Salaam	Morogoro	192	13000
Dar es Salaam	Mkata	229	16000
Dar es Salaam	Kilosa	265	18000
Dar es Salaam	Kidete	312	22000
Dar es Salaam	Gulwe	354.7	25000
Dar es Salaam	Igandu	387.5	27000
Dar es Salaam	Dodoma	444	31000
Dar es Salaam	Bahi	501.6	35000
Dar es Salaam	Makutupora	531	37000

Nauli za Treni ya Mwendokasi SGR 2024 Kwa Abiria Wenye umri Kuanzaia Miaka 4 hadi 12

Aidha, mchanganuo wa nauli kwa daraja la kawaida kulingana na umbali wa vituo kuanzia Dar es Salaam hadi Makutupora kwa watoto wenye umri kuanzia miaka minne (4) hadi 12 ni kama ifuatavyo;

Safari		Umbali (Km)	Nauli (Shilingi)
Kutoka	Kwenda		Daraja la Kawaida
Dar es Salaam	Pugu	19	500
Dar es Salaam	Soga	51	2000
Dar es Salaam	Ruvu	73	2500
Dar es Salaam	Ngerengere	134.5	4500
Dar es Salaam	Morogoro	192	6500
Dar es Salaam	Mkata	229	8000
Dar es Salaam	Kilosa	265	9000
Dar es Salaam	Kidete	312	11000
Dar es Salaam	Gulwe	354.7	12500
Dar es Salaam	Igandu	387.5	13500
Dar es Salaam	Dodoma	444	15500
Dar es Salaam	Bahi	501.6	17500
Dar es Salaam	Makutupora	531	18500

Masharti Kabla ya Safari Kuanza

LATRA imetoa masharti kadhaa ambayo yanapaswa kutimizwa kabla ya kuanza kwa safari za SGR. Masharti haya ni pamoja na:

• Shirika la Reli Tanzania (TRC) kuwa na leseni ya usafirishaji
• Miundombinu ya reli na mabehewa kuwa na ithibati ya usalama
• Matumizi ya mfumo wa utoaji tiketi za kielektroniki
• Kuunganishwa kwa mfumo wa tiketi na mifumo ya LATRA
• Uwepo wa watumishi waliothibitishwa na waliosajiliwa na LATRA