Jinsi ya Kujiunga na Mfumo wa Maombi ya Ajira TAMISEMI

Njia Rahisi ya Kujiunga na Mfumo wa Ajira za TAMISEMI

Ndoto ya vijana wengi wa kitanzania ni kupata kazi katika ofisi za serikali kutokana na mshahara mzuri na usalama wa ajira. Hata hivyo, nafasi chache za ajira na idadi kubwa ya wahitimu inafanya mchakato wa kuajiri kuwa mgumu. Mfumo wa Maombi ya Ajira TAMISEMI, ulioanzishwa na Ofisi ya Rais, Tawala za Mikoa na Serikali za Mitaa (TAMISEMI), unalenga kurahisisha mchakato huu kwa njia ya mtandao.

Mfumo huu umeondoa changamoto nyingi kama kupoteza muda na gharama za usafiri kwa kupeleka maombi kwa mikono. Kupitia mfumo huu, unaweza kujisajili, kutengeneza CV, kutafuta nafasi za kazi, na kutuma maombi yako mtandaoni.

Maandalizi Kabla ya Kuanza TAMISEMI

Kabla ya kutumia mfumo wa TAMISEMI, hakikisha una nyaraka zifuatazo:

• Vyeti vya elimu (kidato cha nne, kidato cha sita, stashahada, shahada n.k.)
• Cheti cha kuzaliwa
• Kitambulisho cha taifa (NIDA)
• Nakala za kidijitali za nyaraka hizi katika mfumo wa PDF
• Anwani ya barua pepe inayofanya kazi
• Upatikanaji wa intaneti yenye kasi nzuri

Jinsi ya Kutengeneza Akaunti

Fuata hatua hizi kujiandikisha kwenye mfumo wa TAMISEMI:

1. Tembelea tovuti ya mfumo wa maombi ya Ajira TAMISEMI (portal.ajira.go.tz)
2. Bonyeza “Jisajili” au “Unda Akaunti”
3. Jaza taarifa zako binafsi
4. Chagua neno siri lenye nguvu
5. Thibitisha akaunti kupitia barua pepe utakayopokea

Kujaza Wasifu

Wasifu wako ndio utakaokutambulisha kwa waajiri watarajiwa. Hakikisha umeujaza kwa ukamilifu na kwa usahihi.

• Ingia kwenye akaunti yako
• Ongeza taarifa za elimu, ujuzi na uzoefu wa kazi
• Pakia picha ya pasipoti yenye ubora mzuri

Kutafuta Nafasi za Ajira

Tumia vichujio kwenye tovuti kupata nafasi zinazolingana na sifa zako:

• Chuja nafasi za kazi kwa kategoria, kiwango cha elimu, mkoa, au wilaya
• Soma maelezo ya kazi kwa makini

Jinsi ya Kutuma Maombi

Baada ya kupata nafasi inayokufaa:

1. Bonyeza “Tuma Maombi”
2. Ambatanisha nyaraka zinazohitajika
3. Thibitisha na utume maombi yako

Kwa maelezo zaidi na muongozo kamili kuhusu Mfumo wa Maombi ya Ajira TAMISEMI, tafadhali rejea mwongozo wa mtumiaji ulioambatanishwa mwisho wa chapisho hili.