CAF Yabadilisha Refa Mechi ya Stellenbosch vs Simba SC
Mabadiliko ya Ghafla Kufanywa Kabla ya Nusu Fainali CAF Confederation Cup
Kuelekea mchezo wa marudiano wa nusu fainali ya Kombe la Shirikisho Afrika (CAF Confederation Cup), kati ya Stellenbosch FC dhidi ya Simba SC, Shirikisho la Soka barani Afrika (CAF) limefanya mabadiliko ya ghafla ya refa aliyepangiwa kuamua pambano hilo litakalopigwa Jumapili, tarehe 27 Aprili 2025.
Mohamed Maarouf Kuchukua Nafasi ya Amin Omar
Awali, refa Amin Omar kutoka Misri ndiye aliyekuwa amepangiwa kuchezesha mchezo huo muhimu. Hata hivyo, CAF sasa imetangaza kwamba Mohamed Maarouf Eid Mansour, ambaye pia anatokea nchini Misri, ndiye atakayechezesha mechi hiyo.
Mpaka sasa, CAF haijatoa sababu rasmi ya mabadiliko haya ya dakika za mwisho.
Historia ya Amin Omar na Simba SC
Mashabiki wa Simba SC watamkumbuka Amin Omar kama mwamuzi aliyesimamia mechi ya hatua ya makundi ya Ligi ya Mabingwa Afrika msimu wa 2023/2024 dhidi ya Oroya SC. Katika mchezo huo, Simba ilipoteza kwa kufungwa bao 1-0 wakiwa ugenini – matokeo yaliyowasha hisia kali miongoni mwa mashabiki.
Simba SC Yalenga Fainali Ya CAF Confederation Cup
Simba SC iko kwenye harakati za kufuzu fainali ya kwanza ya CAF Confederation Cup katika historia ya klabu, na mabadiliko haya ya refa yanaweza kuibua mjadala miongoni mwa wadau kuhusu usawa wa maamuzi ya waamuzi katika mechi muhimu.
