Upepo mbaya unaendelea kunako penzi la staa wa Bongo Fleva, Rajabu Abdul maarufu kama Harmonize na mpenzi wake Poshy Queen.

Penzi la Harmonize na Poshy Queen Katika Mvutano Mkali

Taarifa kutoka TZW TV zimethibitisha kuwa wawili hao wameacha kufuatana kwenye mitandao ya kijamii ya Instagram, jambo lililozua maswali mengi kutoka kwa mashabiki wao.

Hii imeibuka siku chache tu baada ya Harmonize na Poshy kuonekana pamoja katika uwanja wa Benjamin Mkapa kwenye tamasha la Yanga Day. Je, penzi lao limevunjika? Au kuna ugomvi mkubwa umeibuka kati yao? Mashabiki wanasubiri kwa hamu kupata ukweli wa hali hii.

Ikumbukwe, Poshy aliingia kwenye mvutano na DJ wa Harmonize, DJ Seven, ambaye alidai kuwa na uhusiano na mrembo huyo, lakini Poshy alimkanusha vikali. Baada ya mvutano huo, Seven aliacha kufanya kazi na Harmonize, ingawa walionekana pamoja kwenye tamasha la Yanga Day wakiendelea na kazi zao.

Harmonize amewahi kuwa kwenye uhusiano na msanii wa filamu Jacqueline Wolper, ambaye baadaye aliolewa na Rich Mitindo. Pia, Harmonize alizama katika penzi na muigizaji Kajala Masanja kabla ya kuachana.

Hivi karibuni, Harmonize alinukuliwa akisema kuwa Poshy ndiye mwanamke wake wa mwisho na hana mpango wa kuachana naye, akisisitiza kuwa atafunga naye ndoa.

Je, itakuwa vipi kwa wawili hawa? Mashabiki wanatazamia kupata majibu hivi karibuni!