Leeds na Burnley Zagawa Mapato EPL
Timu Zenye Historia Kurudi Ligi Kuu
Timu za Ligi Kuu England kama Manchester United, Arsenal na Liverpool ambazo kwa sasa zinahangaika kutafuta fedha za kuongeza nguvu kwenye usajili, zitapata unafuu mkubwa baada ya Leeds United na Burnley kurejea rasmi kwenye EPL msimu ujao.
Leeds United inarejea kwenye Ligi Kuu kwa mara ya kwanza tangu iliposhuka mwaka 2023, huku Burnley ikirejea baada ya kutokuwepo kwa msimu mmoja tu.
Faida kwa Timu Zilizobaki EPL
Kupanda daraja kwa Leeds na Burnley kunamaanisha kuwa kuna mgao wa pesa ambao sasa hautalipwa kwao kwa kuwa wamerejea EPL mapema kabla ya kumaliza mzunguko wa misimu mitatu katika Ligi ya Championship. Hali hii inazinufaisha timu 17 ambazo zimefanikiwa kusalia kwenye EPL msimu huu, kwa sababu pesa hizo zitagawiwa kwao.
Mfumo wa Malipo kwa Timu Zilizoshuka
Kila timu inayoshuka kutoka EPL kwenda Championship hupokea msaada wa kifedha kwa misimu mitatu:
- Msimu wa kwanza: asilimia 50 ya mapato ya mwisho kabla ya kushuka.
- Msimu wa pili: asilimia 45.
- Msimu wa tatu: asilimia 20, lakini hii hutolewa tu kwa timu zilizokaa EPL misimu miwili au zaidi kabla ya kushuka.
Endapo timu itarejea EPL kabla ya kumaliza misimu hiyo mitatu, pesa za misimu iliyobaki hurejeshwa na kugawiwa kwa timu zilizosalia EPL msimu huo.
Leeds na Burnley Zatengeneza Faida kwa Wengine
Kwa kuwa Leeds na Burnley zimepanda mapema kabla ya kumaliza miaka mitatu, pesa ambazo walitakiwa kulipwa kwa misimu iliyobaki sasa zitagawiwa kwa klabu nyingine 17 za EPL.
Ripoti zinaonesha kuwa kiasi cha jumla ya Pauni milioni 51 kimehifadhiwa na sasa kitapewa timu hizo 17. Kati ya hizo:
- Burnley ilikuwa inapaswa kulipwa Pauni milioni 35
- Leeds ilikuwa ipate Pauni milioni 16
