Jinsi Ya Kupata Namba Ya NIDA Kwa Simu 2024

Jinsi Ya Kupata Namba Ya NIDA Kwa Simu 2024: Hatua Rahisi na Haraka

Kupata Namba ya NIDA kwa simu sasa ni rahisi na haraka. Namba ya NIDA (National Identification Number) ni muhimu kwa kila Mtanzania kwa huduma mbalimbali kama usajili wa laini za simu, usajili mashuleni, na kujaza fomu za mikopo. Kuanzia mwaka 2024, unaweza kupata namba hii moja kwa moja kupitia simu yako ya mkononi.

Hatua hii mpya imeleta urahisi mkubwa kwa wananchi, ikiwemo kupunguza safari za kwenda ofisi za NIDA na kusubiri kwa muda mrefu. Kwa kutumia simu yako ya mkononi, unaweza kupata namba ya NIDA kwa njia rahisi na ya haraka.

Katika makala hii, tutakueleza njia mbili kuu za kupata namba ya NIDA kwa simu: kupitia USSD na kupitia SMS. Tutakueleza hatua kwa hatua jinsi ya kutumia njia hizi pamoja na mahitaji muhimu kabla ya kuanza mchakato huu.

Kupata Namba ya NIDA Kupitia USSD

USSD (Unstructured Supplementary Service Data) ni njia rahisi na ya haraka ya kupata namba ya NIDA bila kuhitaji muunganisho wa intaneti. Fuata hatua hizi:

1. Piga 15200# kwenye simu yako ya mkononi.
2. Chagua namba 3 (Ajira na Utambuzi).
3. Chagua namba 2 (NIDA).
4. Ingiza majina yako matatu (3) uliyojisajili (Mfano: Dan John Sele).
5. Ingiza namba ya simu uliyojaza kwenye fomu ya maombi (Mfano: 0XXXXXXX).
6. Kubali ombi lako.
7. Utapokea ujumbe mfupi wa maneno (SMS) wenye namba yako ya NIDA.

Huduma hii kwa sasa inapatikana kwa watumiaji wa Airtel na Vodacom.

Kupata Namba ya NIDA Kupitia SMS

Njia nyingine rahisi ya kupata namba yako ya NIDA ni kupitia SMS. Fuata hatua hizi:

1. Andika ujumbe mfupi wa maneno (SMS) wenye majina yako matatu (3) uliyojisajili (Mfano: Dan John Sele).
2. Tuma SMS hiyo kwenda namba 15096.
3. Utapokea ujumbe wa kujibu wenye namba yako ya NIDA.

Huduma hii ni bure na inapatikana kwa mitandao yote ya simu nchini Tanzania. Kupata namba ya NIDA kwa simu sasa ni rahisi na hakuna haja ya kusafiri umbali mrefu.